«Երկու տարում գնել ենք այնքան նորարարական տեխնիկա, որքան չենք գնել վերջին 10 տարում…». Արծրուն Հովհաննիսյան

2 տարում գնել ենք այնքան նորարարական տեխնիկա, որքան չենք գնել վերջին 10 տարում:

Այս մասին այսօր Պետրոս Ղազարյանի մոտ հարցազրույցի ժամանակ ասել է ՊՆ ներկայացուցիչ Արծուն Հովհաննիսյանը:

Նա նշել է, որ թե՛ այս պահին, թե՛ առավոտյան իրավիճակը նույնն է:

Հովհաննիսյանը, մասնավորապես, ասել է. ՛՛Թշնամին նախ հյուսիսային և կենտրոնական ուղղությամբ և հարավում փորձել է տարբեր հարձակումներ իրականացնել ոչ մեծ խմբերով, մոտավորապես վաշտային մարտավարական խմբեր մի քանի միավոր զրահատեխնիկայով Կարմիր շուկայի ուղղությամբ են նորից փորձել ակտիվանալ, կորցնելով մի քանի միավոր տեխնիկա` հետ են շպրտվել:

Շուշիի ուղղությամբ իրենց, այսպես ասած, պայմանական հարձակվողների վիճակը այնքան էլ լավ չէ, մեծ հաշվով, խմբավորման այդ ծավալով, հարձակման այդ ձևով չեն գրավում քաղաք։ Այսօր ամբողջ օրը փորձել են մագլցել ժայռերը, որ մտնեն Շուշի. Մագլցողները փոքր խմբեր են 5-10, մաքսիմում՝ 20 հոգանոց: Խփում ես, մոտենում ես, տեսնում` բոլորի մոտ դրոշ կա: Պարզ է, չէ՞, որ խայտառակ վիճակի են, սիմվոլիկ մի բան են ուզում անել, նկարեն, որ Շուշի մեկը մտավ, դրոշ դրեց: Չեն կարողանում:

Այս իրավիճակն իրենց համար կարող էր միանգամից փոխվել մի դեպքում, եթե կարողանային Մարտունու ուղղությամբ ճեղքում իրականացնել: Երեք-չորս օր փորձեցին, չստացվեց: Իրենց խմբավորումը կփրկվեր առանձին կոտորվելու ճակատագրից: Չստացվեց՛՛։

Նա նաև հավելել է. ՛՛Ալիևը ներկայացնում է, որ իրենք հարձակվում են Շուշիի վրա: Ես զարմացած եմ և պատերազմի այդպիսի ձև չգիտեմ, որ հարձակվողին փնտրես, գտնես, ոչնչացնես: Ի՞նչ է նշանակում հարձակում, եթե մենք իրենց փնտրում ենք, գտնում ենք, խումբ է՝ 15-20 հոգանոց, խփում ենք, փախչում են այլ ուղղությամբ: Խիտ անտառ է՝ շատ վատ ճանապարհային ցանցով, որտեղ մեծ զրահատեխնիկա օգտագործել չես կարող, մաքսիմում՝ փոքր զրահամեքենաներ:

Նորից շրջանցում են մի այլ տեղից, փորձում են գտնել դիմադրության թույլ կետեր, գյուղեր մտնել, վնասել, դրոշներ դնել, նկարվել: Հետո մոտենում են մեր տղաները, խփում են, նորից փախչում են` տալով մեկ-երկու զոհ, վիրավոր՛՛։

Ըստ ՊՆ ներկայացուցչի՝ Լիսագորի ուղղությամբ՝ դեպի Շուշի, խմբեր կան: ՛՛Երեկ մեր ԱԹՍ-ից նկարած հայտնի տեսանյութը հենց էդ ուղղությամբ էր: Այսօր՝ ամբողջ օրը, ականանետերով, հրետանիով, մաքրող խմբերով գտել ենք, խփել ենք, նորից փախել են՛՛,-ասել է նա:

Հովհաննիսյանը նաև հայտնել է. ՛՛Երկու տարում գնել ենք այնքան նորարարական տեխնիկա, որքան չենք գնել վերջին 10 տարում՛՛:

Оставить комментарий

Ваш адрес email не будет опубликован. Обязательные поля помечены *