Երևանում տղամարդը՝ դեմքը պաշտպանիչ դիմակով փակած, մտել է դեղատուն, աշխատակցուհուն հրել գցել է գետնին և դրամարկղում եղած գումարը հափշտակելով՝ դիմել փախուստի

Քիչ առաջ կողոպուտ է տեղի ունեցել Երևանում: Ժամը 22:00-ի սահմաններում անհայտ անձը՝ պաշտպանիչ դիմակով դեմքը փակած, մտել է Աճառյան 20/56 հասցեում գործող դեղատուն, աշխատակցուհուն հրել և դրամարկղից բացահայտ հափշտակել է այնտեղ եղած գումարը ու դիմել փախուստի: Ինչպես դեպքի վայրից հայտնում է ֆոտոլրագրող Գագիկ Շամշյանը, այս պահին ժամանել են ոստիկանության Երևան քաղաքի վարչության քրեական հետախուզության բաժնի ծառայողները՝ վարչության պետ Արմեն Գասպարյանի, վարչության պետի օպերգծով տեղակալ Արթուր Զաքարյանի և քրեական հետախուզության բաժնի պետ Հովհաննես Արիստակեսյանի գլխավորությամբ:

Տեղում է նաև ոստիկանության Ավանի բաժանմունքի օպերատիվ խումբը՝ բաժանմունքի պետ Արտաշես Մուշեղյանի գլխավորությամբ: Այս պահին դեպքի վայրում է հետաքննչական խումը՝ ավագ հետաքննիչ Վիկտորիա Կոստանդյանի գլխավորությամբ: Ոստիկանությունը պարզում է հափշտակված գումարի չափը: Ծանուցում.

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի

Оставить комментарий

Ваш адрес email не будет опубликован. Обязательные поля помечены *