Զելենսկին պարգեւատրել է Թուրքիայի նախագահին իշխան Յարոսլավ Իմաստունի շքանշանով, որը պայքարել է թյուրքական ցեղերի դեմ

Ուկրաինայի նախագահ Վլադիմիր Զելենսկլին, որն աշխատանքային այցով գտնվում է Թուրքիայում, շնորհել է թուրք իր գործընկեր Ռեջեփ Թայիփ Էրդողանին իշխան Յարոսլավ Իմաստունի 1-ին աստիճանի շքանշան, հաղորդում է Անատոլիական գործակալությունը:

Պարգեւատրման արարողությունը կայացել է Ստամբուլում Թուրքիայի եւ Ուկրաինայի նախագահների միջեւ ընդլայնված կազմով բանակցություններից հետո:

Ուկրաինայի նախագահի հրամանի համաձայն՝ Թուրքիայի նախագահը պարգեւատրվել է թուրք-ուկրաինական միջկառավարական համագործակցության ամրապնդման, Ուկրաինայի անկախության եւ տարածքային ամբողջականության մեջ անձնական փայլուն ներդրում ունենալու համար: Ռեջեփ Թայիփ Էրդողանը շնորհակալություն է հայտնել Ուկրաինայի ղեկավարին պարգեւի համար:

Նշենք, որ իշխան Յարոսլավ Իմաստունը պատմության մեջ հայտնի է նրանով, որ 1036 թվականին հաղթել է պեչենեգներին եւ ազատագրել Կիեւյան Ռուսը նրանց արշավանքներից:

Հիշեցնենք, որ պեչեգենները թյուրք ժողովուրդ են, որոնք բազմիցս արշավանքներ են կատարել Կիեւյան Ռուսի վրա:

Оставить комментарий

Ваш адрес email не будет опубликован. Обязательные поля помечены *