Ինչպես Արարատ Միրզոյանը հունից դուրս եկավ. ԱԺ ծառայողական մեքենաների ու պարգեւավճարների մասին

Ինչպես Արարատ Միրզոյանը հունից դուրս եկավ. ԱԺ ծառայողական մեքենաների ու պարգեւավճարների մասին

Հեղափոխությունից հետո ԱԺ հանձնաժողովների նախագահների տեղակալները, ԱԺ աշխատակազմի ղեկավարի տեղակալներն այլեւս չեն օգտվում ծառայողական մեքենաներից: Այս մասին, այսօր՝ հուլիսի 8-ին, ԱԺ-ում լրագրողների հետ զրույցում նշեց ԱԺ նախագահ Արարատ Միրզոյանը:

Հիշեցմանը, որ ընդդիմադիր եղած ժամանակ Նիկոլ Փաշինյանը բերում էր Դանիայի օրինակը, որտեղ միայն ԱԺ խոսնակն ունի ծառայողական ավտոմեքենա, Արարատ Միրզոյանն ասաց. «Մեծ հաշվով ապագայում այդպիսի իրավիճակի պետք է հասնենք, բայց նաեւ պետք է դիտարկել իշխանության ճյուղերի հավասար, հավասարակշռող մեխանիզմների համատեքստում: Պետք է խոսենք կառավարության անդամներին: Պատգամավորների եւ տարբեր մեկնաբանների շրջանում կա կարծիք, որ այդպիսի բաները պետք է համամասնորեն արվեն օրենսդիրում, գործադիրում, դատական իշխանությունում, որպեսզի  թեկուզ նշանային հարթության վրա որեւէ իշխանության ճյուղի հեղինակությունը մյուսի հաշվին չընկնի: Ես արդեն ասացի, որ կրճատել ենք 11 հանձնաժողովների նախագահների տեղակալների եւ աշխատակազմի ղեկավարի 3 տեղակալների ծառայողական ավտոմեքենաները, ինչը քիչ չի»:

Նա անդրադարձավ նաեւ պարգեւավճարների թեմային՝ նշելով. «580 մլն դրամ պարգեւավճարի տեսքով տրվել է 132 պատգամավորի 14 ամսվա համար: մեծ հաշվով, կոպիտ մաթեմատիկական հաշվարկով ամսական 240 հազար դրամի կարգի գումար է կազմում: Խոսքը մեծ միլիոնների մասին չէ, ինչպես պատկերացնում են ոմանք: Մենք չենք թաքցրել մեր համոզմունքը, որ սա արդարացված քայլ է»:

Նա հավելեց, որ աշխատավարձի 30 տոկոսով համամասնորեն ստացել են պարգեւավճարներ բոլորը:

Оставить комментарий

Ваш адрес email не будет опубликован. Обязательные поля помечены *