Սուքիասյանների ընտանիքը 100 միլիոն դրամ Է փոխանցել Հայոց բանակի կարիքների համար բացված հաշվեհամարին

Խաչատուր Սուքիասյանն իր ֆեյսբուքյան էջում գրառում է կատարել, որտեղ ասվում է.

Հայաստանի, Արցախի և Սփյուռքի սիրելի ընկերներ, եղբայրներ

Տեղի ունեցող լայնամասշտաբ պատերազմը մեր պետականության և մեր հարատևության հարցն է:
Շատ կարևոր է, որ այս ծանր ու դժվար պահին լինենք պետության կողքին, սատար կանգնենք գերագույն գլխավոր հրամանատարին և աջակցենք մեր ապագայի համար մղվող պատերազմում:

Մարտի դաշտում կռիվ տվող զինվորին այս պահին պետք է ամուր թիկունք: Բոլորս պարտավոր ենք լինել մեկ բռունցք: Երբ մենք միասնական ենք՝ մեզ երբեք հաղթել չեն կարող:

Մեր ընտանիքը 100 միլիոն դրամ գումար է փոխանցում այս պահին խաղաղություն պարտադրող Հայոց անպարտ բանակի կարիքների համար բացված հաշվեհամարին:
Հաղթելու ենք։

Оставить комментарий

Ваш адрес email не будет опубликован. Обязательные поля помечены *