Տորթ «Արաբական գիշեր»․ իսկական արևելյան շունչը՝ ձեր սեղանին

Այս հիասքանչ տորթը կհիշեցնի արաբական գիշերները։ Այնքան համեղ և քաղցր է, ինչպես արաբական քաղցրավենիքը։ Տորթը հիանելի է, կրեմը պինդ է և համեղ, իսկ ընկույզը և խուրման արևելյան նոտա են հաղորդում այս հրաշք տորթին: Անպայման փորձեք, հիասքանչ է:

Անհրաժեշտ է

Խմորի համար

Ալյուր՝ 350 գ

Շաքարավազ՝ 150 գ

Կարագ՝ 100 գ

Ձու՝ 1 հատ

Խուրմա՝ 300 գ

Սոդա՝ 1.5 թ/գ

Եռման ջուր՝ 300 մլ

Կրեմի համար

Կարագ՝ 200 գ

Եփաց խտացրած՝ կաթ 360 գ

Ընկույզ՝ 100 գ

Պատրաստման եղանակը

Խուրման առանձնացել կորիզներից և մանր կտրատել, ավելացնել սոդա և վրան լցնել եռման ջուր՝ թողնելով 15 րոպե: Ավելացնել շաքարավազ, հալեցրած կարագ, ձու և ներմուծել ալյուր։ Խառնել՝ մինչ միասեռ դառնա։ Ստացված ջրիկ խմորը բաժանել 4 մասի: Խմորը լցնել կաղապարի թղթի վրա՝ կլոր տեսքով, հավասարեցնել և թխել 200 աստիճանի ներքո՝ 15 րոպե:

Խմորի պատրաստի շերտերը դնել իրար վրա և հավասարեցնել: Փափկեցրած կարագը հարել հարիչով՝ մինչ սպիտակ դառնա, ապա ներմուծել մեկական գդալով խտացրած կաթը և արունակել խառնել՝ մինչ չավելացնեք ողջ խտացրած կաթը: Հավաքել տորթը՝ յուրաքանչյուր շերտը քսելով կրեմով և վրան ցանելով մանրացրած ընկույզը: Վերջում ողջ տորթը պատել կրեմով և դնել սառնարանը 5-6 ժամով կամ գիշերվա համար: Խմորի շերտերի մնացորդները մանրացնել և փշրանքներով զարդարել կողքերը կամ նույնը կարելի է անել շոկոլադով:

Оставить комментарий

Ваш адрес email не будет опубликован. Обязательные поля помечены *